Den permanente utstillinga i Moster Amfi tar oss med 1000 år tilbake, til siste del av vikingtida då det gamle verdsbildet vart utfordra og til slutt overvunne gjennom innføringa av kristendomen i Noreg. Men korleis var det eigentleg for vikingane å gå frå fleire gudar til ein? Og korleis endra kvardagen seg? La guidane våre ta deg med inn i eit spennande, historisk rom – der denne turbulente tida i vår felles historie blir levande.
I Moster gamle kyrkje ligg historia i tjukke lag i veggane. Det enkle kyrkjebygget er eitt av dei eldste i landet, og fangar deg med ein heilt særeigen atmosfære. Så snart guiden opnar den gamle og vêrslitne døra, blir du teken tilbake til ei tid der klasseskilje, kjønnsroller, overtru og overmakt var heilt annleis enn i dag.
Visste du at det eldste mineralet som er oppdaga i Noreg er eit 3,9 milliardar år gammalt zirkon funne på Bømlo? Eller at utvinninga av bergartar og metall gjennom 10.000 år gjer Bømlo til Noregs største leverandør av ulike steinmateriale gjennom tidene? Moster Amfi er hovudportalen til Geopark Sunnhordland, og i vår eigen gruvetunnel gir guiden deg eit spanande innblikk i geologien og bergverksdrifta på Bømlo frå steinalderen og fram til moderne tid.
Går du den korte turen opp til steinkrossen på Vetahaugen, ventar ei mektig oppleving deg. Ikkje berre er krossen i seg sjølv imponerande, her oppe kan du også skoda ut over hav og landskap, kyrkja, minnestøttene, statuen av Tora Mostrastong og kongesteinen. Kan du sjå for deg vikingskipa koma seglande inn fjorden for 1000 år sidan?
For grupper (min. 15 personar)
Velkommen til ei vandring med guiden vår i Moster Amfi, med påfølgande bordsete der me serverer vår vidgjetne, heimelaga «Tora si kjærleikssuppe». Urtesmøret vårt med ramslauk frå Vetahaugen sett ein ekstra spiss på heile opplevinga.
Etter omvising og lunsj i Moster Amfi, tek guiden dykk med på ei rundreise på den vakre øya vår.
Med ulike tema som utgangspunkt, legg me gjerne til rette spennande undervisnings- og aktivitetstilbod for barn og unge. Her kan både barnehagar og skular få guida omvising og arbeidsøkt i sjølve amfiet, eller bli med på guida vandringar og andre aktivitetar i nærområdet. Me skreddarsyr opplegget til kvar enkelt målgruppe.
Moster Amfi AS
Snarvegar
Opningstider
Opningstider:
Moster Amfi- og kyrkjehistoriske senter er open på førespurnad. Ta kontakt på e-post eller telefon, så skreddersyr me eit opplegg!
Tysdagar er det kafè- og biblioteksdag: Ope kl. 11:00 – 16:00.
Moster Amfi- og kyrkjehistoriske senter har eigen kafè som produserer mat til våre booka besøk, samt der det er høve å kjøpe «søtt og salt» og billettar til dei ulike utstillingane.
Moster Amfi- og kyrkjehistoriske senter forvaltar nasjonalhistoria og tilbyr guida omvising i Moster Gamle Kyrkje, utstillinga «Frå Heidendom til Kristendom», Steinrike Bømlo (gruvetunnell) og ny utstilling som opna 01. juni 2024: «Frå makt til rett – kven har makt?«.
Treng du overnatting: Ta kontakt på e-post eller i vår kafè.
Moster Amfi er nøkkelstad nr. 6 i Kystpilegrimsleiden og du har høve til å få stempel i Pilegrimspasset ditt, eller kjøpe pass i vår Kaupang.
Eigarar
© Moster Amfi | Design og utvikling av Zpirit
Hugs å skrive inn namn, telefonnummer og/eller e-postadresse slik at me kan få tak i deg om din førespurnad.
