Historiske opplevingar

Moster gamle kyrkje

I Moster gamle kyrkje ligg historia i tjukke lag i veggane. Det enkle kyrkjebygget er eitt av dei eldste i landet, og fangar deg med ein heilt særeigen atmosfære. Så snart guiden opnar den gamle og vêrslitne døra, blir du teken tilbake til ei tid der klasseskilje, kjønnsroller, overtru og overmakt var heilt annleis enn i dag.

Kyrkja er eigd av Fortidsminneforeningen, men Moster Amfi- og kyrkjehistoriske senter er heldige forvaltarar av denne hsitoriske skatten!

«Frå heidendom til kristendom»

Den permanente utstillinga i Moster Amfi- og kyrkjehistoriske senter tar oss med 1000 år tilbake, til siste del av vikingtida då det gamle verdsbildet vart utfordra og til slutt overvunne gjennom innføringa av kristendomen i Noreg. Men korleis var det eigentleg for vikingane å gå frå fleire gudar til ein? Korleis endra kvardagen seg? La guidane våre ta deg med inn i eit spennande, historisk rom – der denne turbulente tida i vår felles historie blir levande.

Frå makt til rett – kven har makt?

I samband med Riksjubileet for innføring av Kristenretten, opna stortingspresident Masud Gharahkhani den nye permanente utstillinga «Frå makt til rett – kven har makt?» i Moster Amfi, laurdag 1. juni 2024

Utstillinga med tittelen «Frå makt til rett – kven har makt?» har som mål å teikna eit bilete av korleis verdiar, samfunn, lover og maktstruktur har endra seg gjennom 1000 år.

Korleis har dei svakaste i samfunnet blitt verna? Korleis kunne hekseprosessane skje? Kva hende i overgang frå dansk einevelde til norsk sjølvstende i 1814? Korleis har den raske teknologiske endringa i moderne tid prega samfunnsutviklinga?

Eit mål med utstillinga er å invitera både unge og vaksne til refleksjon og diskusjon om både historia og samtidssamfunnet.

Med verdiane som ligg til grunn for utstillinga, «Fridom» «Rettsvern» og «Likeverd», skal me gjera publikum bevisste på kor viktig det er å ta vare på og verna om verdiar og demokratiske prinsipp som ligg til grunn for samfunnet vårt i dag.

Utstillinga byr også på fleire sjeldsynte skattar frå vår 1000-årige historie.

Steinriket Bømlo

Visste du at det eldste mineralet som er oppdaga i Noreg er eit 3,9 milliardar år gammalt zirkon funne på Bømlo? Eller at utvinninga av bergartar og metall gjennom 10.000 år gjer Bømlo til Noregs største leverandør av ulike steinmateriale gjennom tidene?

Moster Amfi- og kyrkjehistoriske senter tilbyr tur gjennom vår eigen gruvetunnel. Her gjev guiden deg eit spanande innblikk i geologien og bergverksdrifta på Bømlo frå steinalderen og fram til moderne tid.

Bømlo er ein del av regionen Sunnhordland, der øyriket, fjorden og fjella byr på ein svært rik og variert geologi. Dette har ført fram til Geopark Sunnhordland, som fekk status som Norsk Geopark i 2018 og UNESCO Global Geopark i mai 2023.

Kulturløype i Mostraparken

Rett utanfor Moster Amfi- og kyrkjehistoriske senter kan du vandre i Mostraparken. Kulturløypa i parken fører deg den korte turen opp til steinkrossen på Vetahaugen. Her ventar ei mektig naturoppleving deg! Ikkje berre er krossen i seg sjølv imponerande, her oppe kan du også skoda ut over hav og landskap, kyrkja, minnestøttene, statuen av Tora Mostrastong og kongesteinen.

Oppe ved krossen kan du sjå for deg vikingskipa koma seglande inn fjorden for 1000 år sidan. Til 1000-års nasjonaljubileet for Kristenretten vart stien opp renovert, samstundes som sti og kross vart ljossett og området ved krossen fekk benker og glasinngjering.

For grupper

For grupper (min. 15 personar)

Guida omvising og lunsj

Velkommen til ei vandring med guiden vår i Moster Amfi- og kyrkjehistoriske senter, med påfølgande bordsete der me serverer vår vidgjetne, heimelaga «Tora si kjærleikssuppe». Urtesmøret vårt med ramslauk frå Vetahaugen sett ein ekstra spiss på heile opplevinga.

Omvisinga gjeld Moster gamle kyrkje, besøk i utstillinga «Frå heidendom til kristendom», tur gjennom gruvetunellen «Steinriket Bømlo» og omvising i ny utstilling: «Frå makt til rett – kven har makt?». Ein legg opp besøket med lunsj etter «Steinriket Bømlo», men tilpassar etter kva klokkeslett som passar best for besøket.

Dagsturar – «Driftige folk i vakker natur»

Etter omvising og lunsj i Moster Amfi, tek guiden dykk med på ei rundreise på den vakre øya vår.

For barnehagar/skule

«Frå heidendom til kristendom»

Frå makt til rett – kven har makt?

Utstillinga med tittelen «Frå makt til rett – kven har makt?» har som mål å teikna eit bilete av korleis verdiar, samfunn, lover og maktstruktur har endra seg gjennom 1000 år.

Eit mål med utstillinga er å invitera både unge og vaksne til refleksjon og diskusjon om både historia og samtidssamfunnet.

Utstillinga byr også på fleire sjeldsynte skattar frå vår 1000-årige historie.

Moster Amfi- og kyrkjehistoriske senter – eit unikt klasserom

Med ulike tema som utgangspunkt, legg me gjerne til rette spennande undervisnings- og aktivitetstilbod for barn og unge. Her kan både barnehagar og skular få guida omvising og arbeidsøkt i sjølve amfiet, eller bli med på guida vandringar og andre aktivitetar i nærområdet. Me skreddarsyr opplegget til kvar enkelt målgruppe.

Tema:

Gruvevandring
Kvardagsliv i vikingtida
Tradisjonar og skikkar i Moster gamle kyrkje
Frå norrøn til kristen tid
Frå makt til rett – kven har makt? (Ny utstilling som er særs relevant for elevar i barne-, ungdom- og vid. skule)
Forteljarstund

Opplevingar

Velkomen til Moster Amfi- og kyrkjehistoriske senter

Historiske opplevingar

Moster gamle kyrkje

Førespurnad på oppleving

«Frå heidendom til kristendom»

Førespurnad på oppleving

Frå makt til rett – kven har makt?

Førespurnad på oppleving

Steinriket Bømlo

Førespurnad på oppleving

Kulturløype i Mostraparken

Førespurnad på oppleving

For grupper

Guida omvising og lunsj

Førespurnad på aktivitet

Dagsturar – «Driftige folk i vakker natur»

Førespurnad på aktivitet

For barnehagar/skule

«Frå heidendom til kristendom»

Førespurnad på oppleving

Frå makt til rett – kven har makt?

Førespurnad på oppleving

Moster Amfi- og kyrkjehistoriske senter – eit unikt klasserom

Tema:

Førespurnad på aktivitet

Steinriket Bømlo

Førespurnad på oppleving

Meny

Generell førespurnad