Gruveungar

I juni 2021 får me høve til å oppleva Bømlo borne- og ungdomsteater frå Bømlo kulturskule i Moster amfi. 61 born og unge skal innta amfiet med familieførestellinga «Gruveungar» av Hans-Petter Thøgersen. Me møter gruveungane, foreldrelause, overlatt til seg sjølve, og i stadig krangel med gardsungane. Her vert mange intrigar som får dramatiske konsekvenser. Gjøglarane kjem til bygda, og kanskje får me eit glimt av sjølvaste Bergkongen.Etter eit år med avlyste førestellingar for desse unge skodespelarane, er det eit kjempeløft å få nytta scena i Moste amfi, som er som skapt for dette stykket. Dette vil verta ei stor oppleving for alle, på og av scena.

Regi: Marco Thomas og Nina Sele