FOREDRAG I MOSTER GAMLE KYRKJE: Frå kristenrett i 1024 til Landslov i 1274
Vi i Moster 2024 inviterer dykk inn i Moster Gamle Kyrkje til eit eksklusivt foredrag med Jørn Øyrehagen Sunde, om lovutviklinga etter kristenretten, som vart vedtatt på Moster i 1024.
Jørn Øyrehagen Sunde, jurist og professor i rettshistorie, er ein aktiv foredragshaldar og samfunnsdebattant. Han har fått fleire prisar for framifrå formidling, og er fagspesialist hos oss i Moster 2024. I Moster Gamle Kyrkje vil han halde eit foredrag med utgangspunkt i Landslova av 1274 som refererer til Olav den heilage, og vise korleis lovgjevingsprosessen på Moster vart inspirasjon for Landslova og Magnus Lagabøte.
Foredraget vil vare rundt ein time.
